Presidenti ukrainas Volodymyr Zelensky tha sot se synon të forcojë kontrollin shtetëror mbi shitjen e dronëve të prodhuar në Ukrainë jashtë vendit, ndërsa vlerësoi ekspertizën e forcave të tij të armatosura.
Që nga fillimi i luftës në Lindjen e Mesme më 28 shkurt, autoritetet ukrainase kanë thënë se kanë dërguar ekspertët e tyre të dronëve në disa vende të Gjirit për të ndihmuar në sprapsjen e dronëve Shahed të prodhuar në Iran.
Zelensky tha se vendet e huaja mund të blejnë dronë nga kompanitë ukrainase pa kaluar nëpër qeveri.“Fatkeqësisht, disa përfaqësues të qeverive ose kompanive duan të anashkalojnë shtetin ukrainas për të blerë pajisje të caktuara. Kjo po ndodh tani”, tha Zelensky në rrjetet sociale, pa përmendur vendet e përfshira.
Presidenti i Ukrainës kërcënoi kompanitë që nuk i përmbahen kontrolleve qeveritare me “masa të pakëndshme” dhe tha se u kishte kërkuar ministrave të tij të gjenin “zgjidhje sistemike”.
“E informova ministrinë tonë të mbrojtjes dhe dërgova sinjale për këtë qëllim” sektorit privat, vazhdoi Zelensky, i cili beson se “prodhimi i dronëve modernë dhe ekspertiza ukrainase në këtë fushë” mund ta bëjnë sektorin po aq fitimprurës sa nafta.
© SYRI.net
