Zeka: Isa Mustafa bllokues i marrëveshjes -Kurti do të dalë humbës

“Kanalet e komunikimit kanë qenë anormale dhe premtimet dhe deklaratat e tyre kanë qenë sinjali më i mirë për ata që deshifrojnë deklarata të liderëve politikë. Isa Mustafa në momentin që është përzier në këtë çorbë është ditur se do t’i vjen një erë e keqe. Vjosa Osmani është e vetmja që ka pasë mandat që ta zgjidhë problemin e krijimit të Qeverisë me Albin Kurtin”, ka thënë Zeka, njofton Klan Kosova.

“Albin Kurti mund të marrë vendime pa e pyetur VV-në. Kurti e ka fuqinë vendimmarrëse çka nuk e ka Isa Mustafa në LDK. Struktura e LDK është e ndërtuar në atë mënyrë që duhet mbledhur një forum për të marrë vendime. Për mua bllokues në këto negociata është Isa Mustafa – humbës do të jetë Albin Kurti”, tha Zeka

“Mustafa është bllokues sepse matematikat e tij janë me një stad të veprimit të gjatë. Mustafa ta vë ndërskamcën në Prishtinë, ndërsa Albin Kurti e merr vesh kur rrëzohet në Tiranë. Kurti nuk e ka kuptuar se asnjë teori politike nuk mund të zbatohet në Kosovë”, ka shtuar Zeka.