Sot është Dita ndërkombëtare për luftë kundër korrupsionit, ditë e cila na përkujton se korrupsioni dhe keqpërdorimet politike janë armiqtë më të mëdhenj të qytetarëve dhe të sundimit të së drejtës. Korrupsioni i vjedhë paratë e qytetarëve, e rrënon shtetin juridik, i dobëson institucionet dhe e rrezikon demokracinë, duke krijuar mosbesim mes qytetarëve. Këtë sot e shkroi kryeministri Zoran Zaev në profilin e tij në Fejsbuk me rastin e Ditës ndërkombëtare për luftë kundër korrupsionit – 9 Dhjetori.
Sipas kryeministrit Zaev, drejtësia, barazia dhe liritë janë viktimat e para të keqpërdorimeve politike dhe korrupsionit.
“Mu për atë arsye, me zbatimin e standardeve evropiane në përballjen me korrupsionin, Qeveria po zhvillon betejë përmes transparencës së përforcuar dhe obliguese, mbrojtjes së lirisë së mediumeve, mbështetje institucionale të një Komisioni [ë fuqishëm shtetëror për parandalim të korrupsionit dhe zero tolerancë gjatë zbulimit të keqpërdorimeve. Ndërtojmë sistem i cili u përgjigjet keqpërdorimeve dhe e locon qartë përgjegjësinë. I përforcojmë institucionet, i pakësojmë të drejtat e diskrecionit dhe fuqinë e politikanëve dhe bartësve të autorizimeve të fuqishme”, shkroi kryeministri.,
Qytetarët, siç thekson, janë posaçërisht të ndjeshëm ndaj keqpërdorimeve nga ana e bartësve të funksioneve publike dhe mu për atë arsye kjo Qeveri, si përfaqësuese e këtyre interesave të qytetarëve, në përbërjen e vet ka zëvendëskryeministër, mes tjerash, të angazhuar edhe për luftë kundër korrupsionit dhe krimit.
“Janë të mëdha përpjekjet e zëvendëskryeministrit Nikollovski edhe në rritjen e transparencës së institucioneve, edhe në sigurimin e llogaridhënies në nivel lokal, edhe në përkushtimin e shtetit juridik, edhe në insistimin e punës etike të secilit funksionar dhe secilit nëpunës publik. Askush nuk guxon të jetë mbi ligjin, secili duhet të punojë me integritet! Çdo ditë fusim standarde evropiane në shtëpi, që Maqedoninë e Veriut ta bëjmë vend në të cilin qytetarët dëshirojnë të jetojnë dhe të cilin do ta njohin si vend në të cilin sundon e drejta. Në atë rrugë duhet ta asgjësojmë korrupsionin, secili prej nesh, me kontributin e vet”, shkroi kryeministri Zaev në Fejsbuk.
