Kryetari i Kuvendit Talat Xhaferi i uroi qytetarët me rastin e 1 Majit – Ditës ndërkombëtare të punës në të cilën thekson se vlera e punëtorëve është edhe më e vlefshme në këto ditë të sfidave dhe pasigurisë të shkaktuar nga koronavirusi.
“Një Maji e simbolizon luftën për të drejtat e punëtorëve dhe e mban të gjallë kujtimin për viktimat e grevës së Çikagos, për shkak të së cilës kjo datë shënohet tradicionalisht me demonstrata. Është jashtëzakonisht e rëndësishme të mbështeten punëtorët, jo vetëm për realizimin por edhe për rritjen e të drejtave të tyre, sidomos prej ne si krijues dhe faktorë politikë”, thotë Xhaferi në Urim.
Asnjë përparim ekonomik, shton Xhaferi nuk mund të arrihet pa faktorin më të rëndësishëm, dhe ajo është puna dhe potenciali njerëzor.
