Presidenti serb, Aleksandar Vuçiq, vlerëson se nisma për “Ballkanin e Hapur”, nuk duhet të ndalet.
“Kjo është iniciativa jonë, e njerëzve nga Ballkani e atyre që e kanë kuptuar se duhet të lidhen dhe se munden t’i zgjidhin vetë problemet e tyre. Çdo gjë që kemi bërë në ekonomi, shihet në marrëdhëniet mes Serbisë, Malit të Zi, Maqedonisë. Arritëm të zgjidhim disa probleme brenda nesh që kishim para 50 vitesh. Kjo është një iniciativë e njerëzve që jetojnë në Gadishullin Ballkanik dhe kjo nuk mund të ndalet”, deklaroi Vuciq.
Po ashtu presidenti serb tha se takimi i ardhshëm për “Open Ballkan” të zhvillohet në Serbinë jugore, teksa bëri thirrje që pjesë e grupeve punuese të jetë edhe Prishtina.
“Me thelbin e saj është që t’i përparojmë marrëdhëniet tona, të formojmë grupe punuese menjëherë apo në takimin e ardhshëm për të cilin propozoj të jetë në Serbinë Jugore që të formojmë grupe punuese të kujdesen si të ndihmojmë njeri tjetrin. Janë të mirëseardhur në këtë marrëveshje edhe përfaqësuesit e Bosnjës, Prishtinës, Malit të Zi e me radhë”, tha ai.
Përpos kësaj, Vuçiq pati ftesë edhe për kryeministrin e Malit të Zi, Dritan Abazoviq.;
“Abazoviq gjithmonë do të jeni të mirë se ardhur. Nëse dëshironi urdhëroni, nëse nuk dëshironi është dëshira e juaj, askush nuk do të ju detyrojë”, përfundoi ai.
Ndryshe Kosova është e vetmja nga vendet e rajonit që ka refuzuar të bëhet pjesë e këtij samiti.
Kurti ditë më parë përmes një letre refuzoi pjesëmarrjen në “Open Ballkan”
Kësaj nisme për herë të parë këtë herë i janë bashkuar edhe Mali i Zi dhe Bosnja.
