VMRO-DPMNE: Kabineti qeveritar nën hije ishte vendosur në banesë e “Boki 13”

Nga partia opozitare VMRO-DPMNE thonë se kabineti qeveritar në hije ishte i vendosur në banesën e “Bokit 13”.
“Operacioni ‘Haraçi’ ishte koordinuar nga atje. Nga atje u zgjodhën viktimat dhe mënyra se si bashkëpunëtorët e ngushtë të Zaevit do të merrnin miliona euro”, thuhet në deklaratën e VMRO-DPMNE-së.

Sipas partisë, gjysma e qeverisë së udhëhequr nga Zoran Zaev kishte seanca të rregullta në banesën “Bokit 13”. Sheqerinska, Filipçe, Kiracovski dhe zyrtarë të tjerë të lartë të qeverisë dhe të partisë ishin rregullisht në banesën e tij.

“Të gjithë shikuan luksin në të cilin jeton ‘Boki 13’ dhe milionat që janë hedhur dhe e dinin që ata nuk ishin fituar me ligj dhe me ndershmëri. Kjo është arsyeja pse Dimitrov fshehu krimin e raportuar nga diplomatët e huaj, dhe Zaev nuk mund të kujtohet dhe të provojë kur ai e paraqiti rastin. Kështu që Spasovski komunikoi me sulmuesit në vend që t’i arrestonte ata, ndërsa ‘Boki 13’ u paralajmërua të mos kontaktojë me viktimat e haraçit të cilët u inkurajuan ta paraqesin krimin e oktapodit politike-media dhe prokurori”, thonë nga VMRO-DPMNE.

Nga atje thonë se Dimitrov në vend që të dilte në anën e drejtësisë, ai nuk e para rastin në prokurori dhe nuk i njoftoi autoritetet. Dimitrov duhet të jetë i vetëdijshëm se mos paraqitja në vetvete është një krim, dhe autoritetet e zbatimit të ligjit duhet të gjejnë arsyen për një procedurë të tillë.