Udhëheqësi çeçen, Ramzan Kadyrov, ka thënë që çështja e Ukrainës është një punë e përfunduar dhe që tashmë është i interesuar për Poloninë.
Këto deklarata lideri i njësiteve që kanë ndihmuar forcat ruse në Ukrainë i ka bërë në faqen e tij zyrtare në Telegram, ku e dha edhe një porosi.
“Ukraina është tashmë një punë e përfunduar, unë jam i interesuar për Poloninë. Nëse na jepet një urdhër pas Ukrainës, më mirë e keni t’i merrni armët dhe t’i ktheni mercenarët tuaj dhe t’i kërkoni falje zyrtarisht ambasadorit tonë”, ka paralajmëruar ai.
“Ukraina së shpejti do të jetë e jona dhe presidentit ukrainas, Volodymyr Zelensky, ose do t’i mbarojë kokaina, ose më në fund do të vijë në vete dhe do të pranojë kushtet e ofruara nga presidenti ynë, Vladimir Putin”, ka thënë tutje ai.
