Deputetja e Kuvendit të Kosovës, Duda Balje është deklaruar lidhur me mos-votimin pro sot në Komisionin për Buxhet dhe Transfere lidhur me projektligjin për tërheqjen e 30 për qind nga Trusti.
Balje tha se vota sot në Komisionin për Buxhet dhe Transfere ishte vota e Grupit Parlamentar Multientik, teksa tha se nuk ishte kundër, në raport me votat 4 me 4 ishte abstenim.
Po ashtu ajo tha se do të shihet vota e saj në momentin e votimit në Parlament, ku çdo deputet do të votojë në emrin e tij personal, transmeton lajmi.net.
E dy javë më parë, Duda Balje kishte deklaruar se është pro tërheqjes së mjeteve pensionale nga Trusti.
Por sot në votën e saj të dhënë në Komisionin për Buxhet dhe Financa ajo ka abstenuar, gjë që u llogarit si votë kundër këtij Projektligji.
Postimi i plotë:
Të nderuar qytetarë të Kosovës, vota ime sot në Komisionin për Buxhet dhe Transfere është vota e Grupit Parlamentar Multietnik, nuk kemi qenë kundër, në raport me votat 4 me 4 vendimi ka qenë abstenim. Shihemi për votat në Parlament në momentin e votimit, ku çdo deputet do të votojë në emrin e tij personal!.
