Presidenti i Turqisë Rexhep Taip Erdogan dje ka dhënë urdhër që rroja bregdetare të mos u lejojë refugjatëve, për shkak sigurisë së tyre , ta kalojnë Detin Egje.
“Vendkalimet ilegale të refugjatëve përmes Detit Egje nuk lejohen sepse janë të rrezikshme”, kumtoi roja bregdetare turke duke iu referuar urdhrit të presidentit.
Zbatimin e masës do ta mbikëqyr Ministria turke e Punëve të Brendshme.
“Megjithëse parimi i mosndërhyrjes në rast se refugjatët dëshirojnë të largohen nga Turqia do të zbatohet edhe mëtej, qasja e tillë nuk përfshin kalimin e detit për shkak të rrezikut për jetën,” thuhet në kumtesën e rojës bregdetare turke.
