Turqia ka nisur një ofensivë të re ajrore dhe tokësore kundër luftëtarëve kurdë në Irakun verior, tha ministri i Mbrojtjes, Hulusi Akar.
Njësitë komando dhe forcat speciale, të mbështetura nga mjete ajrore pa pilotë dhe helikopterë sulmues të përfshirë në operacionin Claw-Lock, po synojnë strehët e Partisë së Punëtorëve të Kurdistanit (PKK).
Ministria e Mbrojtjes tha se operacioni, i cili filloi të dielën mbrëma, erdhi pasi u zbulua se PKK po planifikonte një sulm në shkallë të gjerë kundër Turqisë. Planifikimi i operacionit ishte raportuar në mediat turke për javë të tëra.
Ai filloi dy ditë pas një vizite të rrallë në Turqi nga kryeministri i rajonit autonom kurd të Irakut, Masrour Barzani, duke sugjeruar se ai ishte informuar për planet e Ankarasë, përcjell Klankosova.tv
Barzani tha pas bisedimeve të tij me presidentin turk Rexhep Tajip Erdogan, se ai përshëndeti “zgjerimin e bashkëpunimit për të promovuar sigurinë dhe stabilitetin” në Irakun verior.
Qeveria Rajonale e Kurdistanit ka një marrëdhënie jo të lehtë me grupin PKK, prania e të cilit ndërlikon lidhjet fitimprurëse tregtare të rajonit me Turqinë.
