Për nder të festës së pavarësisë së Kosovës – 17 shkurti, Liga shqiptare e futbollit në Vjenë të Austrisë të dielën organizoi turnen tradicional në futboll të vogël që mbanë emrin “Turneu i Pavarësisë”.
E këtë vit turneu kishte qëllim humanitar, ku të gjitha mjetet e grumbulluara iu janë dedikuar viktimave nga tërmeti shkatërrues që goditi Shqipërinë gjatë muajit nëntor të vitit të kaluar.
Kampion i turneut doli “AC Shqiponja”, e cila në finalen dramatike, pas ekzekutimit më të mirë të penalltive mposhti ekipin e “Frizer Ludi”. Në kohën e rregullt ndeshja përfundoi 1-1, në penallti 5-4 për AC Shqiponja.
Sinkron: Luan Kreka, kryetar i LSHFA-së.
Ndërkohë, me praninë e tij turneun e ka nderuar ambasadori i Shqipërisë në Vjenë të Austrisë, Roland Bimo. Ai para mikrofonit të Lajm Tv deklaroi se është i kënaqur që mori pjesë në një aktivitet sportiv me qëllim humanitar.
Sinkron: Roland Bimo, ambasador i Shqipërisë në Vjenë-Austri.
Qani Sulejmani dhe Halil Jashari janë dy ish-kryetarët e LSHFA-së në Austri. Ata thonë se nuk mund t’i ndahen aktiviteteve që organizon kryesia e kësaj lige.
Sinkron: Qani Sulejmani, kryetar Nderi i LSHFA-së
Halil Jashari, Ish-kryetar i LSHFA-së
Ekipi i Forumit Rinor ishte një prej ekipeve më të organizuara në këtë turne. Ky ekip ishte i përforcuar me tre lojtarë nga grupi i hunoristëve Stresat, ndërsa nga pankina kishte mbështetjen edhe të dy emrave të mëdhenj të futbollit, Mensur Kuritishi dhe Adrian Hajdari, talent i Rapid Vjenës.
Sinkron: Islam Zekiri, trajner dhe kryetar i Forumit Rinor
Turneu për nder të pavarësisë së Kosovës edhe këtë vit është ndjekur nga një numër i konsiderueshëm i spordashësve të futbollit.
Gazetar Reshat Ibrahimi, kameraman: Suad Avdiu, montazhi:Amir Idrizi.
“Turneu i Pavarësisë” në Vjenë për të ndihmuar të dëmtuarit nga tërmeti në Shqipëri (Video)
“Turneu i Pavarësisë” në Vjenë për të ndihmuar të dëmtuarit nga tërmeti në Shqipëri (Video)
Posted by Lajm TV on Thursday, February 20, 2020