Juria e Gjykatës Federale të Manhatanit e ka shpallur fajtor Donald Trumpin për abuzim seksual ndaj shkrimtares, E. Jean Carroll.
Aty u zbulua gjithashtu se Trump kishte shpifur ndaj saj, për çfarë detyrohet tash të paguajë rreth 5 milionë dollarë dëmshpërblim.
Trump është vërtetuar në gjykatë se ka abuzuar seksualisht kolumnisten në një dyqan mallrash në vitet e ’90-ta, raporton CNN, transmeton KlanKosova.tv.
Kjo është hera e parë që një ish-president i ShBA-së shpallet fajtor për abuzim seksual.
Ky verdikt vjen fare në prag të nisjes së fushatës nga ana e Donald Trump për zgjedhjet presidenciale të vitit 2024.
