Presidenti i ShBA-së, Donald Trump priti presidentin sirian, Ahmed al-Sharaa në Shtëpinë e Bardhë të hënën, një takim që dikur do të dukej i paimagjinueshëm.
Al-Sharaa, një ish-komandant i Al-Kaedës i cilësuar dikur si terrorist nga Uashingtoni, qëndroi përkrah Trump në atë që shënoi vizitën e parë zyrtare të një udhëheqësi sirian në Shtëpinë e Bardhë që nga pavarësia e Sirisë nga Franca në vitin 1946.
Vizita vjen ndërsa ShBA-të zgjatën pauzën e sanksioneve ndaj Sirisë për 180 ditë të tjera.
Një video nga takimi, që tani qarkullon gjerësisht në internet, kap një shkëmbim të lehtë midis dy udhëheqësve.
Trump shihet duke i dhuruar Al-Sharaa-s një shishe parfumi, duke e spërkatur mbi të dhe duke thënë: “Është aroma më e mirë… Dhe tjetra është për gruan tënde”.
Me shaka ai e pyet:”Sa gra ke?”
Kur Al-Sharaa përgjigjet “një”, pasojnë të qeshura. Trump ia kthen me shaka: “Nuk i dihet kurrë!”
Pamjet: /Klankosova.tv
