Ish-presidenti amerikan, Donald Trump, nuk ka treguar nëse dëshiron apo jo që Rusia apo Ukraina të fitojnë luftën.
“Unë nuk mendoj në aspektin e fitores dhe humbjes. Unë mendoj në drejtim të zgjidhjes së situatës, kështu që ne të ndalojmë vrasjen e të gjithë këtyre njerëzve,” tha ai.
Kur u pyet nga Kaitlan Collins e CNN-it për herë të dytë nëse ish-presidenti dëshiron apo jo që Ukraina të fitojë, Trump sërish nuk deshi të përgjigjej drejtpërdrejt, në vend të kësaj tha se ai dëshiron që “të gjithë të mos vdesin”.
“Rusët dhe ukrainasit, unë dua që ata të mos vdesin,” tha ai. “Dhe unë do ta bëj këtë për 24 orë.”
