Presidentit Donald Trump ka shkarkuar disa zyrtarë të Departamentit të Drejtësisë që drejtuan hetimet për çështjet penale kundër tij.
Një letër nga Prokurori i Përgjithshëm në detyrë, James McHenry drejtuar zyrtarëve thoshte se atyre nuk mund t’u “besohet” zbatimi “me besnikëri” i politikave dhe agjendës së Trump.
“Ju keni luajtur një rol të rëndësishëm në ndjekjen penale të Presidentit Trump. Funksionimi i duhur i qeverisë varet në mënyrë kritike nga besimi që zyrtarët eprorë kanë te vartësit e tyre. Duke pasur parasysh rolin tuaj të rëndësishëm në ndjekjen penale të Presidentit, nuk besoj se udhëheqja e Departamentit mund t’ju besojë për të ndihmuar në zbatimin me besnikëri të agjendës së Presidentit.
Si rezultat, në përputhje me Nenin I të Kushtetutës dhe ligjet e Shteteve të Bashkuara, punësimi juaj në Departamentin e Drejtësisë ndërpritet dhe ju hiqeni nga shërbimi federal menjëherë”, shkruhet në letrën e Prokurorit të Përgjithshëm, James McHenry.
Disa nga individët kanë punuar me këshilltarin special Jack Smith, zyra e të cilit është mbyllur pasi ai hoqi dorë nga dy çështjet penale kundër Trump.
Top Channel
