Ushtria iraniane deklaroi se ka ndërmarrë një sulm me dronë ndaj forcave amerikane në bazën Sheikh Isa Air Base në Bahrain, si kundërpërgjigje ndaj sulmeve të SHBA-ve në jug të Iranit.
Në një deklaratë, ushtria iraniane paralajmëroi se shkelja e përsëritur e armëpushimit nga SHBA-të do të ketë pasoja dhe se të gjitha bazat ushtarake amerikane në rajon do të konsiderohen objektiva legjitime për sulme me dronë.
Komanda Qendrore e Shteteve të Bashkuara (CENTCOM) deklaroi se ka goditur më shumë se 80 objektiva gjatë sulmeve të natës në Iran, të kryera si përgjigje ndaj sulmeve iraniane kundër anijeve në Ngushticën e Hormuzit.
Në një deklaratë të publikuar në platformën X, ushtria amerikane tha se forcat e saj goditën sistemet e mbrojtjes ajrore iraniane, rrjetet e komandës dhe kontrollit, pozicionet bregdetare të radarëve, kapacitetet raketore kundër anijeve, si dhe më shumë se 60 mjete të vogla lundruese të Gardës Revolucionare Islamike në ngushticë dhe zonat përreth saj.
