Dy persona humbën jetën dhe pesë të tjerë mbetën të plagosur në një aksident të rëndë trafiku që ndodhi sot rreth orës 10:15, pranë tunelit të Murrizit, në Shqipëri. Mes viktimave është edhe 42-vjeçarja Maltina Ferati nga Tetova, e cila udhëtonte si pasagjere në njërën nga dy veturat që u përplasën ballë për ballë. Në vendin e ngjarjes ndërroi jetë edhe një 42-vjeçar, drejtues i automjetit tjetër. Pesë personat e plagosur janë dërguar në spital për trajtim mjekësor. Policia shqiptare po heton shkaqet dhe rrethanat e aksidentit. Deri tani nuk ka detaje zyrtare për rrethanat e plota të përplasjes.
