Avokati Tomë Gashi ka thënë se Prokuroria Speciale e Kosovës duhet që të përshpejtojë hetimet lidhur me vdekjen e ish-aktivistit të Lëvizjes Vetëvendosje, Astrit Dehari.
Gashi përmes një postimi në Facebook, ka thënë se kanë kaluar 1293 ditë nga vrasja e Deharit dhe më shumë se 201 ditë prej kur Prokuroria Speciale ka marrë në kompetencë rastin Dehari.
“Kanë kaluar 1293 ditë ( 3 vite e 6 muaj dhe 16 ditë) nga vrasja e aktivistit të Lëvizjës VETËVENDOSJE!, dhe më shumë se 201 ditë prej kur Prokuroria Speciale e Republikës së Kosovës (PSRK)ka marrë në kompetencë rastin e vrasjes së Astrit Deharit”.
“PSRK duhet të përshpejtojë hetimet dhe të identifikojë vrasësit, shtytësit në vrasje dhe ata të cilët e fshehen vrasjen për 1293 ditë”, ka shkruar Gashi.
