Disa ditë më parë kryeministri në detyrë i Kosovës, Albin Kurti, e kishte ftuar presidentin e Kosovës, Hashim Thaçin, që të ballafaqohen në një debat televiziv. Ndërsa sot, Thaçi tha se debati me të do të ishte zbavitës.
Ftesa e Kurtit erdhi pasi Thaçi në një debat e quajti Vetëvendosjen organizatë kriminale.
Kësaj ftese Thaçi ka thënë se do t’i përgjigjet dhe do ta zhvillonte një debat shumë relaksues dhe zbavitës me Kurtin.
“Unë do ta zhvilloja një debat shumë rekalsues dhe mund ta them shumë zbavitës”, ka thënë Thaçi
Tutje, Thaçi deklaroi se komunikata kërcënuese e ‘Gardës Vullnetare Shqiptare’ është e shkruar nga vetë Kurti në selinë e partisë së tij.
“Komunikata e Gardës Vullnetare shqiptare është shkruar nga vetë Kurti dhe në selinë e partisë së tij. Gjithçka buron nga selia e partisë së tij, nga ai personalisht dhe njerëzit për rreth tij.”, ka thënë Thaçi në Rubikon, që pritet të transmetohet sonte.
