Një grua pa jetë është gjetur pas zjarrit që sot në mëngjes ka shpërthyer në një objekt ndihmës të një shtëpie në fshatin Zhillçë të Tetovës.
Zëdhënsi i MPB-së, Marjan Josifovski informoi se zjarri është paraqitur në polici në ora 7 e 10 minuta, transmeton gazeta Lajm.
“Në një objekt ndihmës afër shtëpisë është gjetur e vdekur 80 vjeçarja R.Gj. nga fshati Zhillçë. zjarrin e ka paraqitur djali i saj 44 vjeçar, dhe më pas është fikur tërësisht nga Njësiti territorial i zjarrfikësve në Tetovë”, informoi Josifovski.
Në vendin e ngjarjes ka dalë Prokurori publik, bashkë me një ekip nga policia e Tetovës.
