– 𝐧𝐠𝐚 “𝐭𝐞𝐫𝐫𝐨𝐫𝐢𝐳𝐦𝐢” 𝐭𝐞 𝐛𝐥𝐥𝐨𝐤𝐚𝐝𝐚 –
𝐀𝐥𝐢 𝐒𝐡. 𝐌𝐞𝐡𝐦𝐞𝐭𝐢, 𝟖 𝐦𝐚𝐫𝐬 𝟐𝟎𝟐𝟔
Që nga themelimi i saj në vitin 2005, Lëvizja Vetëvendosje është përballur vazhdimisht me kundërshti të forta fizike, politike, institucionale, me burgosje dhe me procese gjyqësore. Nga ardhja në pushtet në vitin 2020 u deshtë të përballet edhe me pandeminë vdekjeprurëse të shkaktuar nga virusi covid-19, me krizën energjetike të shkaktuar nga lufta në Ukrainë, me sfida të sigurisë dhe kriminalitetit në veri të Kosovës, me tentimin e shkëputjes së një pjese të territorit pas sulmit në Banjskë në vitin 2023 nga forcat serbe dhe me sulmin terrorist mbi ujësjellësin Ibër-Lepenc në vitin 2024. Mos të flasim për përballje të përhershme me opozitën, kritikat e së cilës bazoheshin në shpifje, propagandë, gënjeshtra, gjysmë të vërteta dhe në 12 muaj të fundit edhe me bllokadë totale të funksionimit të shtetit. Përballja me Serbinë ishte dhe do mbetet e përhershme.
Për sulmin enigmatik me minahedhës dore ndaj ndërtesës së Kuvendit të Kosovës në vitin 2016, u akuzuan 6 anëtarë të Lëvizjes Vetëvendosje, u arrestuan dhe u zhvillua procesi hetimor për veprën penale “terrorizëm”, pas të cilit në shkallën e parë 4 të akuzuar u dënuan me 21 vjet burg, por në Gjykatën e Apelit që të gjithë u shpallën të pafajshëm dhe u liruan. Në ndërkohë njëri nga të arrestuarit, Astrit Dehari, humbi jetën në burgun e Prizrenit në rrethana të paqarta, sipas Institutit të forenzikës në Llozanë, kurse nga organet vendore u shpall si vetëvrasje. I gjithë procesi ishte tentim që LVV të nxirret jashtë ligjit, shpallet organizatë terroriste dhe ndalohet veprimtaria e Lëvizjes.
Një tjetër episod ishte tentim atentati ndaj Azem Vllasit në muajin mars të vitit 2017 nga Murat Jashari, një i sëmurë mendor me një dosje të trash mjekësore në Zvicër. Murat Jashari u arrestua, pas tij edhe shumë të tjerë, mes tyre edhe prof.dr. Sadri Ramabaja. U akuzuan për përkatësi në organizatë terroriste “Syri i Popullit”, por gjykata konstatoi se ekzistonte një grup që quhej “Syri i Popullit”, por nuk u vërtetua se ishte një organizatë terroriste. 7 prej të burgosurve u dënuan me 31 vjet burg. Prof. Ramabaja në shkallën e parë u dënua me 5 vjet burg, por Appeli lëndën e ktheu në rigjykim ku ndodhet edhe sot, kurse prof. Ramabaja nga atëherë në liri, por pa vendim përfundimtar.
𝐅𝐚𝐤𝐭𝐢 𝐢𝐧𝐭𝐞𝐫𝐞𝐬𝐚𝐧𝐭 𝐞̈𝐬𝐡𝐭𝐞̈ 𝐬𝐞 𝐧𝐞̈ 𝐤𝐞̈𝐭𝐞̈ 𝐠𝐣𝐲𝐤𝐢𝐦 𝐬𝐢𝐤𝐮𝐫 𝐝𝐞̈𝐬𝐡𝐦𝐢𝐭𝐚𝐫𝐞̈ 𝐮 𝐩𝐚𝐫𝐚𝐪𝐢𝐭𝐞𝐧 𝐞𝐝𝐡𝐞 𝐇𝐚𝐬𝐡𝐢𝐦 𝐓𝐡𝐚𝐪𝐢 𝐝𝐡𝐞 𝐊𝐚𝐝𝐫𝐢 𝐕𝐞𝐬𝐞𝐥𝐢, 𝐧𝐞̈ 𝐚𝐭𝐞̈ 𝐤𝐨𝐡𝐞̈, 𝐢 𝐩𝐚𝐫𝐢 𝐊𝐫𝐲𝐞𝐭𝐚𝐫 𝐢 𝐊𝐨𝐬𝐨𝐯𝐞̈𝐬, 𝐤𝐮𝐫𝐬𝐞 𝐢 𝐝𝐲𝐭𝐢 𝐊𝐫𝐲𝐞𝐭𝐚𝐫 𝐢 𝐏𝐃𝐊-𝐬𝐞̈ 𝐝𝐡𝐞 𝐢𝐬𝐡 𝐊𝐫𝐲𝐞𝐭𝐚𝐫 𝐢 𝐊𝐮𝐯𝐞𝐧𝐝𝐢𝐭. 𝐆𝐣𝐚𝐭𝐞̈ 𝐝𝐞̈𝐬𝐡𝐦𝐢𝐬𝐞̈ 𝐧𝐞̈ 𝐠𝐣𝐲𝐤𝐚𝐭𝐞̈ 𝐓𝐡𝐚𝐪𝐢 𝐝𝐞𝐤𝐥𝐚𝐫𝐨𝐢 𝐬𝐞:
“𝐏𝐚𝐬 𝐨𝐫𝐠𝐚𝐧𝐢𝐳𝐚𝐭𝐞̈𝐬 “𝐒𝐲𝐫𝐢 𝐢 𝐏𝐨𝐩𝐮𝐥𝐥𝐢𝐭” 𝐪𝐞̈𝐧𝐝𝐫𝐨𝐧𝐢𝐧 𝐀𝐥𝐛𝐢𝐧 𝐊𝐮𝐫𝐭𝐢 𝐝𝐡𝐞 𝐆𝐥𝐚𝐮𝐤 𝐊𝐨𝐧𝐣𝐮𝐟𝐜𝐚”, 𝐤𝐮𝐫𝐬𝐞 𝐕𝐞𝐬𝐞𝐥𝐢 𝐭𝐡𝐚
“𝐆𝐫𝐮𝐩𝐢 “𝐒𝐲𝐫𝐢 𝐢 𝐏𝐨𝐩𝐮𝐥𝐥𝐢𝐭” 𝐢𝐬𝐡𝐭𝐞 “𝐤𝐫𝐚𝐡𝐮 𝐢 𝐚𝐫𝐦𝐚𝐭𝐨𝐬𝐮𝐫 𝐢 𝐕𝐞𝐭𝐞̈𝐯𝐞𝐧𝐝𝐨𝐬𝐣𝐞𝐬”!
𝐊𝐣𝐨 𝐝𝐞𝐤𝐥𝐚𝐫𝐚𝐭𝐞̈ 𝐮 𝐛𝐞̈ 𝐧𝐞̈ 𝐬𝐞𝐚𝐧𝐜𝐞̈ 𝐠𝐣𝐲𝐪𝐞̈𝐬𝐨𝐫𝐞, 𝐮 𝐫𝐚𝐩𝐨𝐫𝐭𝐮𝐚 𝐠𝐣𝐞𝐫𝐞̈𝐬𝐢𝐬𝐡𝐭 𝐧𝐞̈ 𝐦𝐞𝐝𝐢𝐚, 𝐩𝐨𝐫 𝐫𝐫𝐚𝐥𝐥𝐞̈ 𝐤𝐮𝐬𝐡 𝐞 𝐛𝐞𝐬𝐨𝐢. 𝐏𝐫𝐨𝐤𝐮𝐫𝐨𝐫𝐢𝐚 𝐧𝐮𝐤 𝐞 𝐩𝐫𝐨𝐯𝐨𝐢 𝐚𝐬𝐧𝐣𝐞̈ 𝐥𝐢𝐝𝐡𝐣𝐞 𝐦𝐞 𝐋𝐞̈𝐯𝐢𝐳𝐣𝐞𝐧 𝐕𝐞𝐭𝐞̈𝐯𝐞𝐧𝐝𝐨𝐬𝐣𝐞.
Ky ishte edhe një tentim që LVV të nxirret jashtë ligjit, shpallet organizatë terroriste dhe ndalohet veprimtaria e saj.
Qeveria e parë e udhëhequr nga Albin Kurti u rrëzua më 25 mars 2020 në mes të pandemisë, përmes një mocioni mosbesimi në Kuvendin e Kosovës. Mocioni u iniciua nga partneri i koalicionit, Lidhja Demokratike e Kosovës, vetëm rreth 50 ditë pas formimit të qeverisë. Mocioni u votua me 82 vota pro. Një nga shkaktarët e menjëhershëm ishte shkarkimi nga Kurti i ministrit të Brendshëm Agim Veliu. LDK e konsideroi shkarkimin vendim të njëanshëm dhe shkelje të marrëveshjes së koalicionit.
Kurti e shkarkoi atë sepse Veliu kishte mbështetur publikisht shpalljen e gjendjes së jashtëzakonshme për shkak të pandemisë covid-19, një kërkesë e iniciuar nga Presidenti i atëhershëm Hashim Thaçi. Qëllimi i fshehtë i kësaj kërkese ishte, jo se do përmirësohet gjendja shëndetësore e popullatës gjatë gjendjes së jashtëzakonshme, por fakti se gjatë gjendjes së jashtëzakonshme shumë nga autorizimet e Qeverisë i kalojnë Presidentit,.
Të gjitha këto rrisnin mllefin ndaj partive të vjetra dhe rrisnin simpatinë për Lëvizjen Vetëvendosje. Si rezultat, në zgjedhjet e vitit 2021, Vetëvendosje arriti një fitore historike me mbi 50 për qind të votave, në koalicion me listën “Guxo” dhe Alternativën. Për herë të parë një qeveri përmbushi mandatin e plotë 4 vjeçar, edhe pse të kontestuar nga opozita dhe të përcjell me shpifje, propagandë, gënjeshtra, deri të sharjet më banale nga “akademikët” dhe “jo-akademikët” brenda sallës së Kuvendit. Madje, edhe me kundërshtime për vendosjen e rendit dhe ligjit në veri të Kosovës!
Gjatë qëndrimit në opozitë, partitë opozitare nuk gjetën asnjë kauzë me të cilën do i bënin konkurrencë pushtetit. Dy gjera i mësuan dhe me to u pajtuan, se nuk mund ta mundnin LVV-në me zgjedhje dhe se nuk e vlen më të tentojnë ta shpallin për organizatë terroriste. Në zgjedhjet e shkurtit 2025 të vetmin objektiv e kishin si të parandalojnë LVV të fiton mbi 50% të votave, kurse ordinancën për “ilaç” kundër Albinit ia kishte bërë gati ndonjë “doktor”. Pasi LVV nuk fitoi 50%, por vetëm 43%, ata refuzuan të bëjnë koalicion me partinë fituese, kurse bllokuan themelimin e organeve të Kuvendit dhe Qeverisë gjatë gjithë vitit 2025. Me fjalë tjera “ilaçi” i zbuluar kundër Albinit, respektivisht kundër shtetit të Kosovës, ishte paralizimi i shtetit – bllokada. Kjo bllokadë shkaktoi edhe një palë zgjedhje parlamentare.
Me 28 dhjetor 2025, LVV me partnerë prapë fituan 51,1% dhe formuan Kuvendin dhe Qeverinë. 25 ditë më vonë u deshtë të zgjidhet edhe Presidenti ose Presidentja për çka nevojiten 2/3 e deputetëve, respektivisht 80 deputetë nga 120, kurse LVV i ka vetëm 66. Aktualisht, asnjë parti nuk do me i dhanë edhe 14 deputetë, nuk duan të propozojnë kandidatin e tyre as nuk po duan të sigurojnë kuorumin prej 80 deputetëve të pranishëm në sallë, sepse në gjiron e tretë mjaftojnë 61 vota “për” por në sallë duhet të janë të pranishëm 80 deputetë. Ekziston një vendim i Gjykatës Kushtetuese që obligon deputetët të janë të pranishëm në sallë, por ata nuk e respektojnë. Kështu prapë u paralizua shteti dhe është e qartë se partitë opozitare bashkë me partinë serbe nuk po duan të lejojnë që vullneti i popullit të zbatohet nëpërmjet qeverisë që ata e duan. Kësaj radhe, befasia është se kësaj “kërkese” i është bashkëngjitur edhe Presidentja e gjertanishme, sepse me dekret shpërndau Kuvendin, duke imponuar kështu vullnetin e saj mbi vullnetin e 51,1% të votuesve, sipas të gjithë ekspertëve, në kundërshtim me Kushtetutën.
Pavarësisht përplasjeve, krizave të brendshme dhe bllokadave institucionale, Vetëvendosje ka arritur gradualisht të rritë mbështetjen elektorale dhe të shndërrohet në forcën më të madhe politike në Kosovë. Pas çdo goditje që po i bëhet, ajo po rritet. Nuk e di çka pret opozita edhe pas kësaj goditjeje?!
