Të paktën tre persona u plagosën të shtunën pasi një person hapi zjarr në një treg në një qytet në Gjermaninë qendrore, sipas raportimeve të mediave lokale.
Të shtënat thuhet se ndodhën në një dyqan bastesh sportive në sheshin Giessen, i vendosur në shtetin qendror të Hessen.
Transmetuesi publik shtetëror raportoi më vonë se autori i krimit u arrestua, pasi fillimisht kishte raportuar se sulmuesi ishte në arrati.
Hessenschau raportoi se të plagosurit ishin dërguar në spital dhe se nuk ishin në gjendje kritike.
Policia kishte rrethuar përkohësisht sheshin e tregut pas raportimeve për të shtënat, të cilat ndodhën rreth orës 3:10 pasdite.
Policia po shqyrton ende situatën dhe motivi mbetet i panjohur.
