Të paktën shtatë të vdekur pasi një aeroplan i vogël u rrëzua në Jalisco të Meksikës

Të paktën shtatë persona vdiqën këtë të diel pasi aeroplani i vogël me të cilin po udhëtonin u rrëzua në një zonë pyjore të komunës së Quitupan, Jalisco, në Meksikën perëndimore.

Sipas mediave të huaja, përcjell Telegrafi, aeroplani, tip Cessna 207, i ardhur nga La Parota, Michoacán, ka rënë në tokë pa u përcaktuar për momentin shkaqet e aksidentit.

Të paktën 7 persona u raportuan paraprakisht të vdekur në vendngjarje dhe ekspertët mjeko-ligjorë po prisnin për të hequr trupat dhe për të “përjashtuar praninë e më shumë viktimave”, njoftoi Mbrojtja Civile në një mesazh tjetër në rrjetin social.

Sipas autoriteteve, trupa nga Sekretariati i Mbrojtjes Kombëtare (Sedena) dhe bashkitë e Quitupan dhe Mazamitla janë duke punuar atje.

ARTIKUJ TË NGJASHËMMË SHUMË NGA AUTORI