Katër skuadra janë në garë për shërbimet e Christopher Nkunku.
Ylli i RB Leipzig ka marrë vëmendje të madhe me paraqitjet e tij brilante në kuadër të Bundesliga. Paraqitjet e tij marrin kuptim edhe më shumë me statistikat e tij.
Nkunku është një nga sulmuesit më produktiv në top pesë ligat evropiane dhe kjo ka vënë shumë skuadra pas tij.
Raportime të ‘Fichajes’ bëjnë të ditur se në garë për kartonin e lojtarit të Leipzig janë katër skuadra, përcjell lajmi.net.
Man United, Arsenal, Milan dhe Inter aun nënshkrimin e lojtarit.
‘Djajtë e Kuq’ dhe ‘Rossoneri’ shihen si skuadrat me gjasat më të mëdha për të siguruar Nkunku. Lojtari thuhet se preferon një skuadër që e çon në Champions League dhe kjo favorizon Milanin.
Mbetet të shihet se ku do të përfundojë lojtari që deri më tani ka shënuar 17 gola (në 30 ndeshje).
