Mbi 1.000 persona fizik dhe juridik kanë aplikuar në pesë thirrjet publike për mbështetje të sektorit të turizmit dhe hotelierisë të publikuara muajin e kaluar nga Ministria e Ekonomisë. Të gjithë ata që kanë aplikuar do të marrin ndihmë shtetërore.
Ministri i Ekonomisë Kreshnik Bekteshi sot në takim me përfaqësuesit e sektorit të turizmit dhe hotelierisë informoi se është i kënaqur me numrin e aplikimeve, kryesisht sepse mbështetja financiare është e destinuar për ata që u prekën më shumë nga pandemia.
“Në Pakon e katërt kishim disa masa që ofruan mbështetje të drejtpërdrejtë për sektorin e turizmit dhe hotelierisë. Javën e kaluar, më 4 dhjetor, përfundoi afati i fundit për të aplikuar në pesë thirrjet publike të shpallura nga Ministria e Ekonomisë, në lidhje me masat për kthimin e taksës së paguar turistike për vitin 2019, si dhe grante të drejtpërdrejta për agjencitë e udhëtimit, udhëheqësit turistik, këndet e lojërave dhe klubet e natës . Ministria e Ekonomisë pranoi mbi 1.000 aplikime snë bazë të afatit dhe sot dua të informoj se të gjithë ata që kanë aplikuar do të marrin ndihmë financiare ”, deklaroi Ministri i Ekonomisë Kreshnik Bekteshi.
Bekteshi tha se së bashku me përfaqësuesit e sektorit të turizmit dhe hotelierisë tashmë po punohet në krijimin e programeve dhe masave për mbështetje për vitin e ardhshëm, për të cilat në propozim buxhetin e Ministrisë së Ekonomisë për vitin 2021 tashmë janë paraparë mjete financiare.
“Presim që sektori i turizmit dhe hotelierisë vitin e ardhshëm të kthehet ngadalë në ritmet e rritjes që kishim në 2019 pasi pandemia të qetësohet situata me pandeminë, për çka Ministria e Ekonomisë është në dialog të vazhdueshëm me këtë sektor për të krijuar masa që do të kenë rezultat më të mirë” ceku ministri Bekteshi.
