Ambasadori amerikan në Serbi, Kristofer Hill tha se SHBA-ja e nxiti Ibrahim Rugovën të takohej me Sllobodan Millosheviqin në Beograd më 1998. Ai këto komente i bëri sot në Tribunalin e Hagës gjatë dhënies së dëshmisë së tij në procesin gjyqësor kundër ish-krerëve të UÇK-së.
“Kur ambasadori [Richard] Holbrooke shkoi në Prishtinë, unë isha me të, dhe u ulem me presidentin Rugova. Edhe pse nuk e kishim diskutuar këtë paraprakisht, ambasadori Bolbrooke ishte ide e mirë nëse Rugova do ta takonte Millosheviqin në Beograd, sepse mendonte se ky takim do të zgjidhte shumë probleme”.
“Unë isha shumë skeptik”, tha Hill.
I pyetur nëse takimi mes Rugovës dhe Millosheviqit kishte ndikim në imazhin që kishte Rugova tek shqiptarët e Kosovës.
“Mendoj se e dëmtoi Rugovën, sepse njerëzit në Kosovë nuk mund të ndihmonte. Unë kisha rezerva se takimi mund të ndihmonte. Ai ishte shumë i shqetësuar, por nuk donte që në takimin e parë me Holbrooke të gjendej në një situatë ku refuzonte”, shpjegoi Hill. / REL
