Nicolas Tagliafico nuk është dorëzuar akoma në ëndrrën e tij për të mbrojtur ngjyrat e Barcelonës.
Mbrojtësi i majtë i skuadrës së Ajax, Tagliafico pritet të jetë një nga lojtarët që do t’i bashkohet Barcelonës gjatë verës.
Lojtari ishte afër kalimit në ‘Camp Nou’ gjatë janarit, por Ajax bllokoi një lëvizje të tillë. Pas merkatos, lojtari ishte shprehur i mërzitur me mohimin e mundësisë për të luajtur me Barcën.
Por, ai beson se gjatë merkatos së verës gjërat do të jenë më ndryshe dhe gjithçka do të jetë më e lehtë për të, për të kompletuar transferimin.
“Kishte interesim, klubet biseduan, por nuk arritën të pajtoheshin”, ka thënë Tagliafico për ‘TNT Sports’, transmeton lajmi.net.
“Ishte diçka e komplikuar për klubin asokohe, por mendoj se në qershor do të jetë gjithçka më e lehtë”, shtoi argjentinasi.
Barca është në kërkim të një mbrojtësi të majtë, që do të vinte si alternativë për Jordi Alba. Tagliafico mbetet opsion.
