Të paktën tetë persona u plagosën në një sulm me thikë në Suedinë jugore, njoftoi policia lokale, transmeton Anadolu Agency (AA).
Sulmuesi, i identifikuar si një 20-vjeçar mashkull nga departamenti i policisë së qarkut Jonkoping, u qëllua dhe u plagos nga policia në komunën Vetlanda, ku ndodhi ngjarja.
Autoritetet nuk dhanë detaje të mëtejshme mbi sulmuesin ose gjendjen e tetë personave që u plagosën.
Një hetim mbi sulmin është nisur nga policia nën dyshime për terrorizëm.
Ndërkohë, kryeministri Stefan Lofven publikoi një deklaratë, duke e dënuar incidentin.
“E dënoj këtë dhunë të tmerrshme”, tha Lofven, duke shtuar se sulmi dhe motivi i tij mbeten “të paqartë”.