Stoltenberg ka deklaruar se ne po jetojmë në një botë të rrezikshme dhe të paparashikueshme, me operacione ushtarake në shkallë të gjerë në Europë që nuk janë parë që nga Lufta e Dytë Botërore, shkruan The Guardian.
“Në të njëjtën kohë, ne gjithashtu e dimë se kjo mund të përkeqësohet. Sepse nëse kjo luftë zhvillohet nga një shkallë të plotë midis Rusisë dhe NATO-s, atëherë kjo do të shkaktojë vuajtje, dëme, viktima dhe shkatërrim në një shkallë që është shumë më e keqe se ajo që shohim sot në Ukrainë”.
Stoltenberg thotë se NATO ka dy detyra: njëra është të ofrojë mbështetje për Ukrainën, tjetra të parandalojë përshkallëzimin përtej Ukrainës.
“Kjo është arsyeja pse NATO nuk është pjesë e konfliktit në terren,” shtoi ai.
NATO ka rritur praninë e trupave ushtarakë në Lindje me më shumë se 40,000 trupa “për të eleminuar çdo hapësirë për llogaritje të gabuara ose keqkuptime në Moskë rreth gatishmërisë sonë për të mbrojtur çdo centimetër të territorit të NATO-s”, përfundoi ai.
