Sekretari i Përgjithshëm i NATO-s, Jens Stoltenberg, thotë se Finlanda dhe Suedia do të jenë në gjendje të anëtarësohen shpejt në NATO nëse vendosin të kërkojnë anëtarësim në aleancën ushtarake perëndimore.
“Nëse vendosin të aplikojnë, Finlanda dhe Suedia do të mirëpriten ngrohtësisht dhe unë pres që procesi të shkojë shpejt”, u tha Stoltenberg gazetarëve në Bruksel, duke shtuar se ai planifikoi të fliste me presidentin finlandez sot gjatë ditës, shkruan Aljazeera, transmeton Klankosova.tv.
Stoltenberg tha se ishte i sigurt se mund të gjendeshin marrëveshje për periudhën e ndërmjetme midis një aplikimi nga dy vendet skandinave dhe ratifikimit zyrtar në parlamentet e të 30 anëtarëve të NATO-s.
