Kryeministri britanik Keir Starmer, ka thënë se mbështetja për Ukrainën është “fokus absolut” i Britanisë.
Pas një samiti ushtarak në Novergji në të cilin po merrte pjesë, Starmer tha se përparësia kryesore e grupit të udhëhequr nga Mbretëria e Bashkuar ishte mbrojtja e vlerave “të fituara me vështirësi” gjatë Luftës së Dytë Botërore dhe vazhdimi i mbështetjes së Kievit.
The Guardian raporton se duke folur për mediat, kryeministri u pyet edhe për paradën e mbajtur në Moskë për shënimin e përfundimit të Luftës së Dytë Botërore, ku ai u përgjigj duke thënë se:
“Mesazhi i udhëheqësve këtu është shumë, shumë i qartë, dhe ky është se ne jemi të përqendruar në Ukrainë. Dhe aty është fokusi ynë absolut – me Ukrainën, duke mbrojtur vlerat që dje në Ditën e Fitores në Evropë po i kujtonim dhe përkujtonim, të cilat u fituan me vështirësi në Luftën e Dytë Botërore.”
