Borussia Dortmund dhe Manchester United kanë zhvilluar një ndeshje spektakolare në Shtetet e Bashkuara të Amerikës.
Dueli miqësor mes dy gjigantëve evropianë u zhvilluar në Allegiant Stadium në Paradise që ishte i stërmbushur nga tifozët e pranishëm.
Dortmund ka arritur fitore me rezultat 3-2, në një ndeshje ku pati spektakël në fushë nga futbollistët e të dyja skuadrave.
Diego Dalot kaloi Unitedin në epërsi me një gol të bukur nga distanca në minutën e 24-të pas asistimit nga Donny Van de Beek.
Megjithatë fundi i pjesës së parë i takoi verdhezinjve që realizuan dy gola brenda një minute.
Fillimisht në minutën e 43-të Donyell Malen realizoi nga afërsia për 1-1 pas asistimit nga Karim Adeyemit, derisa holandezi një minutë më vonë u shërbye mirë nga Sabitzer dhe realizoi për 2-1.
Edhe pjesa e dytë ishte spektakolare, me United që barazoi shifrat në 2-2 në minutën e 52-të me anë të brazilianit Antony.
Por krejt në fund të ndeshjes Marco Reus bëri një asistim të mrekullueshëm te Youssafa Moukoko i cili realizoi për 3-2.
