Zgjedhjet e shtata lokale në vend do të mbahen të dielën, ndërsa sot votojnë të sëmurit dhe të pafuqishmit, personat me Covid-19 dhe ata në vetizolim, të burgosurit, personat në paraburgim, në shtëpitë e pleqve dhe personat e zhvendosur brenda vendit
Votimi tek të sëmurët dhe personat e pafuqishëm do të bëhet nga anëtarët e këshillave zgjedhorë ku ata janë regjistruar duke vizituar shtëpitë e tyre, ndërsa për personat me Covid- 19 dhe të izoluar votimi do të bëhet nga borde të veçanta zgjedhore të përbëra nga punonjësit shëndetësorë. Sot votojnë votojnë të burgosurit, personat në shtëpitë e pleqve dhe personat e zhvendosur brenda vendit. Sipas informacioneve nga certifikatat e veçanta nga Lista zgjedhore, në burgje sot do të votojnë 1899 persona, në shtëpitë e pleqve 351, ndërsa të drejtë vote kanë gjashtë persona të zhvendosur brenda vendit.
Për herë të parë në këto zgjedhje do të zbatohen pajisje për identifikimin biometrik të votuesve me shenja nga gishtat, por për personat që do të votojnë sot, këto pajisje nuk do të zbatohen. Ata do të votojnë si më parë duke përdorur një llambë UV, për kontrolluar nëse kanë votuar dhe spërkatës pa ngjyrë, i cili me kontroll të llambës UV tregon nëse personi ka votuar apo jo. Rezultatet nga votimi i këtyre personave do të bëhen të ditura ditën e diel. /SHENJA/
