Pas kontrolleve të përforcuara në Gostivar dhe Shkup, janë konstatuar parregullsi të shumta në kultivimin e kanabisit për qëllime mjekësore, pasuan kallëzime penale dhe marrje të lejeve. Përveç kësaj, nuk u plotësuan kërkesat për sigurim dhe mbikëqyrje, ndërsa gardhi dhe elementi brin janë dëmtuar. Po ashtu edhe objekti ishte pa energji elektrike, me dy punonjës, asnjëri prej tyre nuk ishte në punë, ndërsa këtu u gjetën dy persona shtetas shqiptarë, të cilët nuk ishin të punësuar, ku njëri kishte ndalim hyrjeje në shtet dhe u arratis, por shpejt u gjet dhe u arrestua.
Në depon për produkte të gatshme, u gjetën 327.3 kilogramë lule të thata të paketuara në thasë alumini, gjë që nuk është lejuar, u gjet edhe një tepricë prej 23.3 kilogramëve lule e thatë kanabisi. Gjithashtu janë gjetur 2746 bimë kanabis, të cilat janë rritur në hapësirën e jashtme të personit juridik, në kundërshtim me kushtet e përcaktuara. Të gjitha boçet e kanabisit dhe lulet e thara të kanabisit të gjetura janë konfiskuar dhe do të paraqitet një propozim nga Komisioni për heqjen e licencës për kultivimin e kanabisit për qëllime mjekësore.
