Shtetasi serb arrestohet në Maqedoni, kapet duke transportuar 20 emigrantë nga Siria

Një shtetas i Serbisë është arrestuar në Maqedoni pasi i njëjti është kapur duke bërë kontrabandë me migrantë, përcjell TV21. Në automjetin e tij janë kapur 20 emigrantë nga Siria. Nga MPB thonë se për rastin në fjalë është njoftuar edhe Prokuroria.

“Me datë 04.02.2023 në ora 12.00 në vendkalimin kufitar “Dojran i Vjetër”, zyrtarët policorë të stacionit policor të kalimit kufitar “Dojran i Vjetër” kanë privuar nga liria M.K.(47) nga Republika e Serbisë. Në bashkëpunim me doganierët, është kryer kontroll në kamionin “DAF” me gjysmërimorkio me targa serbe, të cilin ai e drejtonte, gjatë të cilit janë gjetur 20 emigrantë nga Siria. Personi është ndaluar në stacion”, thonë nga MPB.