Shpërthim me eksploziv në Bashkinë e Lushnjës, plagoset kryebashkiaku

Një shpërthim ka ndodhur në zyrën e kryetarit të Bashkisë Lushnje Fatos Tushe mëngjesin e sotëm.

Nga shpërthimi raportohet se mbeti i plagosur kryebashkiaku Tushe dhe sekretarja e tij Erisa Qalliu.

Fillimisht ata u dërguan në spitalin e Lushnjes ku morën kujdesin e parë shëndetësor.

Ndërsa raportohet se kryebashiaku Tushe po transportohet drejt Spitalit të Traumës.

Ai ka marrë dëmtime në këmbë dhe në shpatull.

Shpërthimi ndodhi rreth orës 08:00 të mëngjesit të sotëm në momentin që Tushe po hynte në zyrë.

Shpërthimi mendohet se ndodhi me granatë dhe nuk dihen ende motivet e ngjarjes.

Drejt Lushnjes është nisur edhe drejtori i policisë, Ardi Veliu.

Në vendngjarje ndodhen forcat e policisë dhe po hetojnë shkaqet dhe rrethanat e ngjarjes.