Dy klinikat e njohura pritvate “Axhibadem Sistina” dhe “Zhan Mitrev” gjatë vitit të kaluar të pandemisë kanë dyfishuar fitimet e tyre.
E përditshmja maqedonase “Sloboden Pecat” shkruan se fitimet e tyre kanë qenë marramendëse, pasi që për shkak të kapaciteteve të plotësuara shtetërore, qytetarët si shpëtim shihnin këto dy klinika private, por edhe ata që kishin para dhe që donin trajtim më të mirë, përcjell INA.
Në një nga rastet që përmend gazeta është se si një pacient nga Kavadarci për 8 ditë qëndrimi ka paguar 18 mijë euro.
Para se të hyjë pacienti në spital është dashur të depozitoj 4 mijë euro, ndërsa 1 mijë euro në ditë i ka kushtuar kyçja në respirator. Familjarët kanë thënë se një ditë janë lajmëruar se ka pasur një komplikim dhe është dashur ndërhyrje me operim dhe se i kanë kërkuar 8 mijë euro.
Sipas të dhënave të rrjetit biznismreza.mk, “Zhan Mitrev” në vitin 2020 ka pasur fitim 8,1 milionë euro, ndërsa “Axhibadem Sistina” afër 6 milionë euro. “Zhan Mitrev” në 2020 ka dyfishuar fitimet në krahasim me 2019.
Këto dy klinika private gjatë periudhës më të vështirë me pandeminë kanë rritur bilansin e tyre për 14 milionë euro. Të hyrat e “Axhibadem Sistina” kanë qenë rekorde me 41 milionë euro dhe se kjo kompani në sferën e shëndetësisë konsiderohet si lojtar dominues në treg. (Ina)
Fjalor i Gjuhës Shqipe
PAGË f.
Shpërblimi në të holla që i jepet një punonjësi për punën e tij në një ndërmarrje, në një institucion a në një detyrë tjetër. Paga mujore (javore, ditore). Paga mesatare. Paga të ulëta (të larta).
Paga nominale sasia e të hollave që i jepen dikujt për punën, pavarësisht nga aftësia blerëse e vërtetë e tyre. Paga reale aftësia e vërtetë blerëse e pagës që merr dikush. Paga e punëtorëve (e nëpunësve). Pagë me copë paga sipas sasisë së prodhim që jep punëtori. Pagë me kohë paga sipas kohës që përdoret për punën. Dita e pagave. Mori pagën. Ua ngritën (ua ulën) pagat.
