Ministri i Transportit deklaroi se traseja e rrugës Shkup–Bllacë nuk do të kalojë nëpër parcelat e funksionarëve të BDI-së.
Por kjo deklaratë hap një pyetje shumë më të madhe:
A është ndryshuar realisht traseja, apo “parcelat” për të cilat u fol më herët kanë qenë të sajuara?
Nëse ekziston një trase e re, atëherë duhet të ekzistojnë edhe dokumentet që e dëshmojnë atë.
❓ A ekziston plan i ri urbanistik?
❓ A ekziston projekt i ri?
❓ A është miratuar ndryshimi i trasesë?
❓ Cili është vendimi zyrtar që e ka ndryshuar atë?
E vërteta është e thjeshtë:
Nuk mund të ketë “trase të re” pa plan të ri, projekt të ri dhe akte të reja të miratuara.
Prandaj, për transparencë ndaj qytetarëve, institucionet duhet të publikojnë:
📌 planin e ri urbanistik, nëse ekziston;
📌 projektin e ri të rrugës, nëse ekziston;
📌 vendimin zyrtar për ndryshimin e trasesë;
📌 hartën e parcelave nëpër të cilat do të kalojë rruga.
Sepse, nëse nuk ekziston as plan i ri urbanistik dhe as projekt i ri, atëherë lind pyetja:
A është ndryshuar vërtet traseja, apo vetëm deklarata politike?
Dhe edhe më e rëndësishmja:
Nëse sot punohet mbi planin dhe projektin e përgatitur gjatë qeverisjeve të udhëhequra nga Ali Ahmeti dhe BDI-ja, atëherë pse flitet për “trasë të re”?
Dokumentet duhet të flasin. Jo deklaratat.
Status i Bekim Rexhepit, ish zëvendesministër i Transportit, BDI
