Numri i viktimave nga dy tërmetet që goditën Venezuelën është rritur në 3.535, njoftuan autoritetet të hënën, ndërsa afro 18 mijë persona vazhdojnë të jenë të pastrehë më shumë se një javë pasi fatkeqësia goditi kryeqytetin dhe zonat bregdetare përreth.Zyrtari i lartë shtetëror Jorge Rodriguez tha se bilanci më i fundit zyrtar tregon se 16.740 persona janë plagosur, ndërsa 17.854 kanë mbetur pa strehim pas tërmeteve të 24 qershorit, të cilat kishin magnitudë 7.2 dhe 7.5 dhe ndodhën vetëm pak sekonda larg njëri-tjetrit, raporton Reuters.
Shifrat e reja nxjerrin në pah përmasat e katastrofës në dhe rreth Caracasit dhe La Guairas, zona bregdetare e goditur më rëndë, ndërsa po shtohen kritikat ndaj reagimit të qeverisë.Nënkryesia për Çështjet Sociale e Venezuelës bëri të ditur se të paktën 12.800 persona po qëndrojnë në 80 strehimore të ngritura në Caracas dhe La Guaira.
