ESCOBAR: PO PËRPIQEN TA PENGOJNË INTEGRIMIN E RAJONIT
Departamenti Amerikan i Shtetit vazhdon të jetë i shqetësuar për ndikimin rus dhe kinez në rajonin e Ballkanit. Në një raportim që Gabriel Eskobar, Zv.ndihmës Sekretari i Shtetit do të bëjë përpara Komisionit për Punët e Jashtme të Dhomës së Përfaqesuesve mbi angazhimin që SHBA kanë në Ballkanin Perëndimor e që është publikuar paraprakisht, i konsideron të frikshme pengesat që po hasen në integrimin europian të 6 vendeve të rajonit.
“Integrimi transatlantik dhe evropian është thelbësor për reduktimin e të dëmshmeve te ndikimit te aktorëve, si Rusia dhe Kina, por edhe aktorë lokalë të korruptuar, që kërkojnë të destabilizojne rajonin dhe pengojnë këtë integrim duke zgjeruar ndikimin e tyre. Ne e kuptojmë se pengesat ndaj këtij procesi janë të frikshme – duke përfshirë përparimin e ngecur në demokratizimin, korrupsionin, varësinë nga energjia ruse, politikat etnonacionaliste dhe ndikimin dhe dezinformimin e huaj të dëmshëm.Edhe pse bën luftë ne Ukraine, Kremlini ushqen dezinformimin – shpesh përmes gjuhës serbepër të mbjellë ndarje, mosbesim dhe tensione ndëretnike dhe fetare. Kina bashkon narrativat tinëzare që minojnë besimin në Perëndim permes investime grackë.”
Sa i takon situatës në veriun e Kosovës, Escobar bën një skanim të të gjitha zhvillimeve që nga Shkurti kur u arrit një marrëveshje mes Prishtinës e Beogradit falë ndërmjetësimit euro-amerikan e deri tek situata aktuale. Në raport, Escobar vlerëson rolin që ka mbajtur Shqipëria dhe Maqedonia e Veriut pro qetësimit të situatës dhe dialogut mes dy vendeve.
“Si Shqipëria ashtu edhe Maqedonia e Veriut janë partnerë solidë në inkurajimin e normalizimit ndërmjet Serbisë dhe Kosovës, dhe të dy janë aleatë të palëkundur të NATO-s.”
Në raport vlerësohen zgjedhjet e fundit në Malin e Zi. Për të vetmin shtet të Ballkanit Perëndimor ku përmendet me emër lideri politik, është Bosnja.
Escobar flet me keqardhje për qëndrimin e Presidentit Milorad Dodik, që sipas tij mbetet i fokusuar në prishjen e Marrëveshjes së Paqes të Dejtonit dhe kushtetutës së shtetit.
Veprimet antidemokratike të tij në raport cilësohen si qëndrime qe kërcënojnë stabilitetin, sigurinë jo vetëm të Bosnje-Hercegovinës, por dhe më tej se vetë rajoni jonë.
Tv Klan
