90:00 – Ka përfunduar gjithçka. Shqipëria e mposhti Serbinë me rezultat 0-1 me super-golin e Rey Manajt i cili e bombardoi portën serbe në minutën e 46-të të takimit.
85’ Vetëm edhe pesë minuta kanë mbetur deri në fishkëllimen finale të gjyqtarit të ndeshjes Serbi – Shqipëri. Shqipëria po vazhdon të kundërsulmojë me Dakun i cili po mundohet që ta shënojë edhe golin e dytë për shqiponjat.
80’ Shqipëria është vetëm edhe 10 minuta larg triumfit historik pasi po vazhdon ta mbrojë rezultatin e krijuar në minutën e 46-të.
75’ Në Leksovc kanë mbetur vetëm edhe 15 minuta lojë në mes Serbisë dhe Shqipërisë. Shqiponjat po vazhdojnë ta mbajnë rezultatin me golin e Manajt, teksa po luftojnë për çdo top.
70’ Kanë mbetur edhe 20 minuta lojë në stadiumin e Leskovcit ku Shqipëria po vazhdon ta ketë akoma epërsinë e pjesës së parë. Ndërkohë, serbët po vazhdojnë të bëjnë thirrje racizëm teksa ‘TopChannel’ ka siguruar fotografi ku në stadium është shfaqur baneri ‘Kosova është Serbi’.
65’ Shqipëria po vazhdon ta ruaj rezultatin e krijuar në minutën e 46-të të pjesës së parë me goditjen vrastare të Rey Manajt. Në pjesën e dytë, shqiponjat po bëjnë dukshëm lojë më të mirë se Serbia duke e qarkulluar lirshëm topin dhe duke krijuar raste të mira shënimi.
60’ Kanë mbetur edhe gjysmë ore lojë deri në fund të takimit kundër Serbisë, ku Shqipëria po vazhdona edhe më tej që ta ketë dominimin në fushë që prej kur ka nisur pjesa e dytë.
55’ Kanë kaluar 10 minuta lojë në pjesën e dytë. Shqipëria po vazhdon të krijojë raste të mira, duke qarkulluar topin mjaftë mirë e me presion krejt të vogël.
50’ Janë luajtur pesë minutat e para të pjesës së dytë, ku Shqipëria po e qarkullon topin mjaftë mirë. Broja pati një rast shumë të mirë shënimi por që goditja e tij shkoi jashtë.
45’ Ka përfunduar pjesa e parë në Leskovc ku Shqipëria po avancon falë golit të shënuar nga Rey Manaj në minutën e 46-të të shtesës.
40’ Kanë mbetur edhe pesë minuta lojë deri në fund të pjesës së parë, ku gjyqtari në minutën e 37-të u konsultua me VAR-in për një prekje të mundshme me dorë të Laçit, por loja vazhdoi pasi VAR-i tha se nuk kishte një gjë të tillë.
35’ Shqipëria e ka marrë kontrollin e lojës 10 minuta para fundit të pjesës së parë kundër Serbisë. Deri më tani, për më shumë se gjysmë ore lojë vetëm një goditje në portë është dhënë nga të dyja kombëtaret.
30’ Pas gjysmë ore lojë, Shqipëria ka arritur që t’i krijojë dy rastet e para. Rasti i parë ishte në minutën e 23-të me anë të Uzunit, ndërsa rasti i dytë ishte goditja me kokë e Brojës, por që topi nuk shkoi në portë.
25’ Shqipëria e ka rrezikuar për herë të parë portën serbe në minutën e 23-të me anë të një goditje të lehtë të Uzunit, por që gjuajtja u prit nga portieri serb.
20’ Janë luajtur 20 minuta lojë, por që asnjëra kombëtare deri më tani nuk po arrin që ta rrezikojë portën kundërshtare. Serbët po vazhdojnë thirrjet anti-Kosovë në shkallët e stadiumit edhe më tej.
15’ Pas 15 minutash lojë, Shqipëria ka marrë pak më tepër lojën në kontrollë duke e qarkulluar topin, teksa në shkallët e stadiumit tifozët serbë po shfaqin racizëm duke kënduar këngë kundër Kosovës.
10’ Po luhet minuta e 10-të e ndeshjes në Leskoc, ku Shqipëria deri më tani nuk ka shfaqur ndonjë aksion të mirë shënimi për ta rrezikuar portën serbe.
5’ Kanë kaluar pesë minuta lojë në mes Serbisë dhe Shqipërisë. Kombëtarja serbe po mundohet që ta dënojë Shqipërinë përmes sulmeve nga krahët, por shqiponjat e Sylvinhos po mbrohen mjaftë mirë.
1’ Ka nisur sfida e Shqipërisë kundër Serbisë e cila po luhet në Leskovc në kuadër të kualifikimeve për Kampionatin Botëror. Të parët që luajnë me topin janë shqiptarët. Gjatë intonimit të himnit të Shqipërisë, i gjithë stadiumi fishkëlleu.
