Ziadin Sela: Diasporës duhet t’i mundësohet vota me postë. Skandaloz është vendimi për të tatimuar remitencat e pesë viteve të fundit!
Publikuar 11:16 19 Janar, 2026
“Mendoj se gjëja kryesore sa herë që duhet të hapet tema e njësive zgjedhore, përveç njësive zgjedhore duhet të jetë edhe diaspora. Diaspora duhet të votojë këtu dhe për këtu dhe me të drejtë të votojë me postë, pak a shumë shembulli i Kosovës është shembull i pëlqyeshëm që duhet të votojë me postë, por edhe Shqipëria që e implementoi të njëjtën. Mendoj që diaspora dhe në këtë periudhë kur bota është bërë e vogël, kur nuk është më ajo periudha e gurbeteve klasike, kur gurbetqarët tanë, prindërit tanë vishin një herë në vit. Tani i shohim dhe shyqir Zotit që vijnë 5, 6, 7 herë, vetëm kur i shohim dhe habitemi, o kur paske ardhë. Këto do të duhet të kenë të drejtën të votojnë nga vendi ku janë, sepse janë dhe ata që sjellin shumë para për vendlindjen dhe një nga sfidat kryesore që Maqedonia e Veriut, vitin që hyjmë e ka krizën ekonomike, nga e cila mundohet përsëri që duke e penalizuar mërgatën të mbush buxhetin. Nuk duhet të ndodh, është skandaloz vendimi i Qeverisë dhe DHP për të tatimuar remitancat të cilat i ka sjellë diaspora pesë vitet e fundit. Kjo është ta grabisish akoma më tepër diasporën”, ka thene kreu i ASh-se Zijadin Sela ne intervisten per “Lajm TV”.
