Më 04.02.2026, në ora 10:10, në autostradën Gradsko–Veles, pranë nyjës Karasllari, zyrtarë policorë nga SPB Veles e kanë privuar nga liria F.J. (35) nga Prilepi. Gjatë kontrollit në komunikacion, është ndalur një automjet pasagjerësh “Golf” me targa të Prilepit, i cili drejtohej nga F.J., edhe pse ndaj tij ishin shqiptuar tri masa ndalimi për drejtimin e automjetit motorik të kategorisë B.
Më 04.02.2026, në ora 21:45, në Probishtip, zyrtarë policorë nga NJPB Probishtip e kanë privuar nga liria K.A. (29) nga fshati Zletovë, komuna e Probishtipit. Gjatë kontrollit në komunikacion, policia ka ndalur një automjet pasagjerësh “Opel Corsa” me targa të Probishtipit dhe pas verifikimeve është konstatuar se K.A. e ka drejtuar automjetin pavarësisht se kishte ndalim aktiv për drejtim të automjetit motorik.
Më 04.02.2026, në ora 18:00, në rrugën “Ivo Ribar Lola” në Tetovë, zyrtarë policorë nga SPB Tetovë kanë privuar nga liria një 16-vjeçar nga fshati Zhelinë. Gjatë kontrollit në komunikacion, policia ka ndalur një automjet pasagjerësh “Golf” me targa të Tetovës, të drejtuar nga i mituri. Meqë ai e drejtonte automjetin pa fituar të drejtën për drejtim të mjetit motorik, pas udhëzimeve nga prokurori publik, 16-vjeçari është privuar nga liria dhe me të është zhvilluar bisedë zyrtare në prani të prindit, ndërsa automjeti është sekuestruar.
Më 04.02.2026, në ora 15:20, në rrugën “Vëllezërit Gjinoski” në Gostivar, zyrtarë policorë nga NJPB Gostivar e kanë privuar nga liria A.M. (18) nga fshati Padalishtë, rajoni i Gostivarit. Gjatë kontrollit në komunikacion, policia ka ndalur një automjet pasagjerësh “Opel” me targa të Gostivarit, të drejtuar nga A.M., dhe pas verifikimeve është konstatuar se ai e drejtonte automjetin pa dhënë provimin e vozitjes.
Më 04.02.2026, në ora 13:40, në fshatin Ljubodrag, rajoni i Kumanovës, zyrtarë policorë nga SPB Kumanovë i kanë privuar nga liria D.J. (37) nga Kumanova dhe F.A. (29) nga fshati Çerkez, rajoni i Kumanovës. Gjatë kontrollit në komunikacion, policia ka ndalur automjetet “Shkoda”, të drejtuar nga D.J., dhe “Opel”, të drejtuar nga F.A., dhe pas masave të ndërmarra është konstatuar se të dy i drejtonin automjetet pa dhënë provimin e vozitjes.
Më 04.02.2026, në ora 19:30, gjatë kontrollit në komunikacion në fshatin Bansko, rajoni i Strumicës, zyrtarë policorë nga SPB Strumicë kanë ndalur një automjet pasagjerësh “Toyota” pa targa regjistrimi, të drejtuar nga D.A. (20) nga Strumica. Është konstatuar se ai e drejtonte automjetin pa poseduar leje të vlefshme drejtimi. Po ashtu, është konstatuar se në automjet transportonte dru zjarri të prerë ilegalisht, me ç’rast nga ana e Policisë Pyjore të Strumicës automjeti dhe drutë janë sekuestruar.
Më 04.02.2026, në ora 22:00, gjatë kontrollit në komunikacion në Strumicë, zyrtarë policorë nga SPB Strumicë kanë ndalur një automjet pasagjerësh “Ford” me targa të Strumicës, të drejtuar nga S.V. Është konstatuar se ai e drejtonte automjetin pa poseduar leje të vlefshme drejtimi.
Më 04.02.2026, rreth orës 21:00, në rrugën “Ballkanska” në Shtip, zyrtarë policorë nga NJPB Koçan e kanë privuar nga liria A.M. (40) nga Shtipi. Gjatë kontrollit në komunikacion, policia ka ndalur një automjet pasagjerësh “Golf” me targa të Shtipit dhe pas verifikimeve është konstatuar se ai e drejtonte automjetin pa dhënë provimin e vozitjes.
Më 04.02.2026, në ora 13:30, në rrugën “9” në fshatin Batincë, rajoni i Shkupit, zyrtarë policorë nga SPB Shkup e kanë privuar nga liria S.A. (43). Gjatë kontrollit në komunikacion, policia ka ndalur një automjet transportues “Mercedes” me targa të Shkupit, të drejtuar nga S.A., dhe pas verifikimeve është konstatuar se ai e drejtonte automjetin pa poseduar leje të vlefshme drejtimi.
Më 04.02.2026, në ora 18:10, në rrugën lokale Butel–Mirkovc në Shkup, zyrtarë policorë nga SPB Shkup e kanë privuar nga liria S.K. (47) nga Shkupi. Gjatë kontrollit në komunikacion, policia ka ndalur një automjet pasagjerësh “Mercedes” me targa të Shkupit dhe pas verifikimeve është konstatuar se ai e drejtonte automjetin pa dhënë provimin e vozitjes.
Sipas udhëzimeve të prokurorit publik, personat janë privuar nga liria, automjetet janë sekuestruar dhe pas dokumentimit të plotë të rasteve do të ngrihen kallëzime penale sipas nenit 297-a të Kodit Penal – “drejtim i pakujdesshëm i automjetit motorik”.
