Pas denoncimeve për vendosje të e bombave në 23 shkolla të mesme dhe gjimnaze në Beograd, pjesëtarët e MPB-së kanë ndërhyrë, kanë kontrolluar dhe kanë konstatuar se të gjitha raportimet janë të rreme, deklaroi ministri i Arsimit, Shkencës dhe Zhvillimit Teknologjik, Branko Ruzhiq, duke theksuar se shkollat dhe policia reaguan në mënyrë të duhur dhe të shpejtë dhe nxënësit ishin të sigurtë.
Ministri Ruzhiq shtoi se pas inspektimit të MPB-së, nxënësit janë rikthyer në mësime, ndërsa në shkollat, nxënësit e të cilave janë kthyer në shtëpi për shkak të kësaj situate, mësimi do të kompensohet në periudhën e ardhshme.
“Pjesëtarët e MPB-së kanë reaguar në mënyrë efikase dhe mësimi në turnin e dytë do të zhvillohet rregullisht”, tha Ruzhiq.
Në 23 shkolla të mesme dhe gjimnaze të Beogradit mëngjesin e sotëm kanë mbërritur e-mail për bombë të vendosura, pas së cilës menjëherë janë njoftuar MPB-ja dhe BIA.
Nxënësit dhe stafi janë evakuuar në vend të sigurt, ndërsa policia dhe shërbimet e tyre profesionale kontrolluan pretendimet.
MPB-ja dhe BIA po hetojnë se kush e ka dërguar e-mailin për bombat, i cili ka qenë nga e njëjta adresë elektronike.
