Ministria e Jashtme e Rusisë bëri të ditur se është arritur marrëveshje për vazhdimin e kontakteve me Turqinë lidhur me çështjen e krizës në Libi.
Në një deklaratë nga ministria thuhet se ekspertët rusë dhe turq u konsultuan dje në kryeqytetin rus, Moskë lidhur me Libinë.
“Pas shkëmbimit të pikëpamjeve u arrit një marrëveshje për vazhdimin e kontakteve lidhur me problemet në Libi, përfshirë edhe sigurimin e ndihmës së mundshme për zgjidhjen sa më parë të krizës në Libi”, thuhet në deklaratë lidhur me takimin e zhvilluar nga delegacioni turk i kryesuar nga nga zv.ministri turk i Punëve të Jashtme, Sedat Önal dhe delegacioni rus i kryesuar nga Mihail Bogdanov, përfaqësuesi special i presidentit Vladimir Putin për vendet e Lindjes së Mesme dhe Afrikës.
Një delegacion nga Ministria e Jashtme e Turqisë dje zhvilloi takime në Moskë lidhur me çështjen e Sirisë dhe Libisë.
