Në qytetin e Kumanovës tash e disa vite intenzivisht po zgjerohet rrjeti i gazifikimit, rrespektivisht i gazit për ngrohje.
Çerdhet, shkollat fillore dhe të mesme, spitali, shtëpia për pleq, si dhe ndërmarrjet publike tashmë një kohë ngrohen me gaz, çmimi i të cilit arrinë 60 den për metër kub. Për shkak të interesimit të shtuar për ngrohje me gaz, nga NP “Kumanova-Gas”, thonë se në përfundim e sipër është zgjerimi i rrjetit dhe së shpejti në te pritet të kyçen Gjyqi Themelorë dhe Stacioni Policor.
Paralelisht përmes projektit Europian në rrjetin e gazifikimit do të kyçen edhe pesë institucione të tjera. Përpos institucioneve dhe ndërmarrjeve të lartpërmendura numri i të interesuarve po rritet edhe në mesin e qytetarëve.
“Të gjitha këto shtatë objekte gjatë periudhës së ardhëshme presim që ta rrisim distribuimin tonë për 20%. Mirëpo me rëndësi është se të gjitha këto objekte gjenden në pjesën qëndrore të qytetit. Gjithashtu vlen të theksojmë se me këtë po ndikojmë në uljen e ndotjes së ajrit me ç’rast dua të theksoj se gazi natyrorë ka për rreth 500 herë më pakë grimca PM10 në krahasim me derivatet e naftës”, – deklaroi Drejtori i Ndërmarrjes Publike “Kumanova Gas”, Marko Mitrovski.
Deri në vitin e ardhshëm pritet të rrumbullakësohet kyçja e shtatë objekteve në rrjetin e gazifikimit, me çka në Kumanovë numri i subjekteve juridike të kyçura në rrjetin e gazit do të arrijë në 39, nga të cilat 9 prej tyre do të gaszifikohen me mjete të BE-së në kuadër të projektit “BE për ajër të pastër”.
