Situata e Joao Felix në Atletico Madrid është shqyrtuar intensivisht për pjesën më të madhe të vitit 2023, por veçanërisht gjatë javëve të fundit, pas pranimeve se ai ëndërron të bashkohet me Barcelonën.
Felix nuk është në planet e trajnerit Diego Simeone për këtë sezon, kështu që një largim duket shumë i mundshëm në ditët e mbetura të afatit kalimtar të verës.
Interesimi për shërbimet e tij është mjaft i ulët, dhe megjithëse Barcelona përflitet se është e prirur për një lëvizje, kjo nuk është e afërt.
Megjithatë, Barcelona pritet të tentojë të nënshkruajë Felixin para fundit të afatit kalimtar dhe përpjekjet e portugezit për t’u bashkuar janë rritur nga zhvillimet e fundit në klubin katalanas, i cili ka parë Deco të bëhet drejtor sportiv.
