Ajo pati dy paraqitje të mrekullueshme në Met Gala 2023 dhe pas-ndejën e eventit më të madh të modës.
Dhe Rita Ora dukej tejet e thjeshtë të nesërmen, teksa u shoqërua nga bashkëshorti i saj, Taika Waititi, shkruan DailyMail.
Veshjet e modës që ajo kishte veshur një natë më parë ishin zhdukur prej kohësh, dhe në vend të tyre ishin tutat sportive, një kapele bejsbolli dhe syze dielli.
Shenja e vetme e makijazhit ishin thonjtë e zinj të gjatë dhe të egër që ajo kishe realizuar për mbrëmjen e Met Gala 2023.
Rita, 32 vjeçe, u pa teksa dilte nga Hoteli Bowery në New York City të martën së bashku me bashkëshortin e saj, 47 vjeç, i cili gjithashtu mori pjesë në Met Gala me të.
Edhe ai ishte i veshur thjeshtë me tuta dhe një kapelë, ndërsa i nxirrte gjërat e tyre nga hoteli.
Regjisori i kompanisë “Marvel” kishte veshur një kapuç të zi, xhaketë lëkure dhe xhinse blu të zbehura.
Rita kaloi mbrëmjen e së hënës duke festuar natën më të madhe të modës së bashku me bashkëshortin e saj dhe një mori yjesh të tjerë.
Por duket se ajo mund të jetë argëtuar paksa shumë – pasi ajo me shaka tregoi të martën përmes InstaStory se kishte marrë dhimbje koke nga festa.
