Numri i rasteve të reja me Covid-19 ka shënuar rritje të ndjeshme brenda 24 orëve të fundit. Pas një kohe të gjatë, numri i rasteve të reja ka kaluar 100. Në mbarë vendin nga 5.276 teste të kryera janë regjistruar 164 raste të reja me Covid-19, prej të cilëve 60 vetëm në Tetovë, ndërsa 34 në Shkup, 21 në Gostivar. Në ndërkohë nga Instituti i Shëndetit Publik njoftojnë se janë shëruar 18 pacientë, shkruan Alsat. Si pasojë e infektimit me koronavirus, brenda 24 orëve jetë kanë ndërruar tre pacientë, dy nga Gostivari dhe një nga Shkupi. Që nga fillimi i pandemisë, në vendin tonë janë regjistruar gjithsej 156.707 raste, prej të cilëve 150.440 janë shëruar, kurse 5.497 kanë ndërruar jetë. Aktualisht në vendin tonë janë 770 raste aktive me virusin korona.
Lajme Regjistrohen 164 raste të reja me virus në Maqedoni