Adrien Rabiot i ka dhënë fund ecurisë negative të tij pa shënuar gol. Pas 50 ndeshjeve ‘agjërim’, lojtari gjeti rrjetën.
Juventus ka fituar 3:1 mbrëmë në përballje me Maccabi Haifa, në një ndeshje ku shënoi edhe mesfushori francez, Rabiot.
Lojtari ka dhënë komentet e tij pas ndeshjes, duke u shprehur i lumtur për golin, por më shumë për fitoren e skuadrës, që dëshmon se janë në rrugë të mirë për t’u kthyer te suksesi.
“Jam i lumtur, mbi të gjitha për qëndrimin e skuadrës. Jam i lumtur që shënova, por siç kam thënë më herët, pjesa e rëndësishme është që skuadra të fitojë”, ka thënë Rabiot, transmeton lajmi.net.
“Po jap 100% në fushë dhe në stërvitje, trajneri më beson, është e rëndësishme për të të ketë një lojtar që sjell balancë në skuadër. Mund të shënojë gola po ashtu, e dëshmova sonte. Jam i lumtur, kishim vështirësi këtë sezon, por fitorja ndaj Bologna dhe kjo ndaj Maccabi, po bëjmë mirë”, shtoi lojtari.
Goli i Rabiot ishte i pari për të pas 50 ndeshjeve. Për të fundin herë, ai kishte shënuar në majin e vitit 2021, ndaj Bologna.
